Lungdamna Laisiangtho Luke 18:35-42 sungsimna (Nov. 20,2023)

Catholic Nisim Lungdamna Laisiangtho Luke 18:35-42 ............35. Jericho khuapi ah Jesu a tunkuan ciangin mittaw khat in khutdawh ngenin lam gei-ah a na tu hi. 36. Tua mittawpa in mihonpi lampai a zak ciangin, bang thu piang ahi hiam, ci-in a dong hi.

37. Amaute in, “Nazareth mi Jesu hong pai hi,” ci-in a gen uh hi.

38. Tua ciangin amah in, “David’ Tapa, Jesu aw, kei hong hehpih in,” ci-in a kiko hi.

39. A mai-a pai mite in tua pa a daihna dingin nakpitakin thu a piak uh hangin, “David’ Tapa aw, kei hong hehpih in,” ci-in nakpi-in a kiko semsem hi.

40. Jesu zong khawl-a ama kiang ah tua pa a paipihna dingun thu a pia hi.

41. Mittawpa a kiang a tun ciangin Jesu in, “Bang kong hihsak ding deih na hi hiam?” ci-in a dong hi. Amah in, “Topa aw, khua ka mu kik nuam hi,” ci-in a dawng hi.

42. Jesu in ama kiang ah, “Khua mu ta in; na upna in nang hong honkhia zo hi,” a ci hi.

43. Amah in thakhatin khua mu pah a, Pasian’ phatin Jesu’ nung a zui hi. Mi khempeuh in hih thu a muh uh ciangin Pasian a phat uh hi.

Hih in Topa' Lungdamna Laisiangtho ahi hi.