Lungdamna Laisiangtho John 14:21-26 sungsimna (April 29 ,2024) Monday

Catholic Nisim Lungdamna Laisiangtho John 14:21-26 --------------- 21. Ka thupiakte zui a, a mang peuhmah in kei hong it ahi hi. Kei hong it mi ka Pa in it dinga, keimah in zong amah it-in, ama tungah ka minthanna ka lak ding hi,” a ci hi.

22. (Judas Iscariot ahi lo), Judas in Jesu’ kiangah, “Topa aw, leitung mite tungah kipulak lopi-in, kote tungah nang le nang bangci-in hong kipulak ding na hi hiam?” a ci hi.

23. Jesu in ama kiangah, “Kei hong it mite in ka thu zui ding uh a, ka Pa in amaute itin, amaute kiangah ka pai ding uh a, amau tawh ka omkhawm ding uh hi.

24. Kei hong it lo mi in ka thute zui lo ding hi; na zak uh thu in kei’ aa hilo a, ahi zongin, kei hong sawl Pa’ thu ahi hi.

25. “Note tawh kong om sungin hih thute khempeuh kong gen khin zo hi.

26. Ahi zongin ka min tawh Pa in hong sawl ding Palaai, Kha Siangtho in na khempeuh note hong hilh dinga, note’ kiangah kong gen khempeuh hong phawkkiksak ding hi.

+Hih in Topa' Lungdamna Laisiangtho ahi hi.

- Christu Topa aw na tungah phatna om ta hen.