Lungdamna Laisiangtho John 10:22-30 sungsimna (April 23,2024) Tuesday

Catholic Nisim Lungdamna Laisiangtho John 10:22-30 -------------- 22. Tua hunin Jerusalem khuapi ah Apna pawi a tung hi. Phalbi hun tawh zong a kituak hi.

23. Biakinnpi huang sunga om Solomon’ Talap ah Jesu a vak kawikawi hi.

24. Tua ahih manin Jew mite in Jesu’ kimkot ah hong kikhawm uh a, ama kiangah, “Bang tanvei kote lungsim nawngkaisakin hong koih lai ding na hi hiam? Nang, Christu na hih leh, siangtakin hong gen in,” a ci uh hi.

25. Jesu in amaute’ kiangah, “Note’ tungah kong gen khin hi. Ahi zongin na um kei uh hi. Ka Pa’ min tawh ka bawl nateng in ka teci ahi hi.

26. Ahi zongin note in ka tuuhon sungah om lo na hih manun kei nong um kei uh hi.

27. Ka tuute in ka aw a za uh hi. Keimah in ka tuute ka thei a, amaute in keima nung hong zui uh hi.

28. Keimah in nuntak tawntungna amaute ka pia a, cikmah hunin amaute kisia ngei lo ding uh hi. Kuamah in amaute ka khut sung pan hong sut zo lo ding hi.

29. Amaute hong pia ka Pa in, na khempeuh sangin lianzaw ahih manin, ka Pa’ khut panin kuamah in amaute sutkhia zo lo hi.

30. Kei le ka Pa, pum khat ka hi uh hi,” a ci hi.

+Hih in Topa' Lungdamna Laisiangtho ahi hi.

- Christu Topa aw na tungah phatna om ta hen.