Lungdamna Lai Siangtho simna; Jn.14:7-14

Lungdamna Lai Siangtho; Jn.14:7-14 7. Note in kei nong theih uh leh, ka Pa zong na thei ding uh hi. Tu-a kipanin note in ka Pa na thei ta uh a, na mu zo uh hi,” a ci hi. 8. Philip in Jesu’ kiangah, “Topa aw, Pa hong lak lecin ka lung uh a kim ding hi,” a ci hi. 9. Jesu in ama kiangah, “Philip aw, keimah in note tawh om khawm khin napi-in kei hong thei nai lo na hi hiam? Kei hong mu mi in Pa zong a mu ahi hi. Bang hangin, ‘Kote, Pa hong lak in,’ ci thei na hi hiam? 10. Ahi zongin kei sungah om cih um lo na hi hiam? Note’ kianga kong gen thute keima utthu-a hong gen ka hi kei hi. Kei sunga om Pa in ama na a sem ahi hi. 11. Keimah in Pa sungah ka om a, Pa in kei sungah a omna thu na um un. Tua bang ahih kei leh zong na lamdang ka bawlnate’ hangin kei hong um un. 12. Ken a man takpi kong genin ah, kei hong um mi in ka sep ka bawlte sem ding uh a, amah in tuate’ sangin a lianzaw nangawn zong a sem ding hi. Bang hang hiam cih leh, Pa’ kiangah kei ka pai ta ding hi. 13. Note in Tapa hangin Pa a minthanna dingin keima min suangin thu na nget khempeuh uh kong sepsak ding hi. 14. Note in keima min suangin na khatpeuh nong nget uh leh keimah in tua na kong sepsak ding hi.

Hih in Topa' Lungdamna Lai Siangtho ahi hi. #KalayDiocese, #RVATedimchinservice, #RVA, #DailyBible, #Gospel,