Koi mun koi mun ah I pai zongin, I upna nuntakpih in, Pasian’ mi I hihna ki lang sak ni.

Tuni Lungdamna Laisiangtho sungah Topa Jesu in, “Note kiangah kong cih in ah, keima mi ahih na mi’ theihin a gen khiate, mihing Tapa in zong Pasian’ vantung mite’ mai ah, kei ma mi hi ci-in gen khia dinga, ahi zongin keima mi ahihna mi’ theihin a gen khia nuam lote, Pasian vantung mite mai ah zong keima mi hi, ci-in Mihing Tapa in gen khia nuam lo ding hi, ci hi.
Tua ahih manin Topa nungzui taktak, Christian taktak I suah theih na dingin koi mun koi mun ah I pai zongin, I upna nuntakpih in, Pasian’ mi I hihna ki lang sak ni. Mun khempeuh ah Pasian om hi cih phawk tawntungin, mihing te maipha zon ding sangin Pasian maipha zon ding hanciam zaw den ni. Thuman thutak nuntakpih lo-in, mihingte maipha zongin mihing te paaktat ding ciang bek tawh I nuntak khak leh Pasian in ama kammal om bangin, vantung mite mai ah, amaute ka thei kei hi, hong ci ding hi. Tua ahih manin Pasian in hih nu/hih pa pen keima mitaktak hi, keima mi ahih lam aman zong mite mai ah agam tatna tawh pulak hi, ci-in ama vantung mite maiah angtang takin hong pulak theih na dingin han ciam in thala ciatni.