A kiniamkhiat mikhat ii thungetna pen Pasian in za-in ngai-in thupha pia hi.

September- 13
Tuni Lungdamna Lai Siangtho ih et ciangin nautangte in uliante, tavuan nei te ading thu ih ngetsak ding a kisap mah bangin, uliante, tavuan neite in zong anautangte kisapna, cidam nading, kha ading avaihawm sak dingin tavuan aneihna uh zong ih mu thei hi. Pope Francis in ei te ii thahatna pen thungetna hi a, kiniamkhiat mikhat ii thungetna pen Pasian ii thanemna ahi hi. Cih nopna ah a kiniamkhiat mikhat ii thungetna pen Pasian in za-in ngai-in thupha pia hi cihnopna ahi hi. Tua ahih manin ei te in ih gam sungah ulian a sem te ading thu ih ngetsak ding kisam hi. Misiangtho Augustine in na khempeuh Pasian tungah aki-nga bangin thungen unla, na khempeuh nang tungah a ki-nga bangin nasem un ci-in ong vaikhak mah bangin ei te in na khempeuh Pasian tungah ki-nga a, Pasian tungah ih nuntak ding leh nisim ih nuntakna ah zong na khempeuh ei ma tungah ki-nga hi ci a, Pasian ading leh mite phattuam nading na ih sep tawntung ding thupi hi. Tuni nasem ulian, tavuan nei te in Pasian tungah upna picing nei a, ih nautang mipite tungah zong deihsakna, itna takpi te ih neih ding galkap bupa tungpan pilna ki la thei hi. Tuni ih sim, ih zak Pasian kammal te in mihing, thanem ih hih mah bangin ih gam ading, ulian te ading thunget sakna, ei ma panpih theih bangin panpih a, hoihna phatna a sem zo semsem leh midangte ading hoihna, phatna adeihsak zo semsem a, nuntakna hoih, itna deihsakna tawh mailam ah a kalsuan zo te ih suah zawh nadingin hanciam ciatni.