Ki phatsakna in vantung gam hong tan lawh sak thei hi.

Daily Homily by Rev. Fr. Thomas Tuang (Aug 18, 2021)

Ki phatsakna hangin vantung gam tan lawh thei hihang. Tua ahih manin Pasian mai ah athupi pen in bang hiam? Kiniam khiatna tawh ih belhna, ama maipha ih zon na, ama kiang ih zuatna te hi. Tua hi aa tuni Topa Jesu gentehna lenggah huan aa nasemte en lehang mihing te ih nuntak sungin hanciam in ahoih tampi tak te asih ciangin Pasian nusia aa asi zong tampi om hi. Tua ahih manin mihing ten pen ei muhna tawh thu ih khen ziauziau hangin Pasian muhna ah eite pen kua vantung gam tung ding, kua helgam tung ding cih pen Pasian in atheih sa hi. Banghang hiam cih leh mihing te lungsim pen Pasian in avekin a theihsa ahihi.