Ki-it kilemna, pumkhat suahna, Topa Jesu sangna leh ama deih bangin gamtatna in leitung nop sak hi.

Daily Homily by Rev. Fr. Joseph Zo Mung (May 20, 2021)

Tuni in leitung bup ah kipumkhat na apiang theih nading, a diakdiak in Leitung aa Topa Jesu umlo mite tawh ih kipawl khop ding zong haksa mahmah ding aa, ahi zong in ei Topa Jesu a um teng ciang bek kipumkhat zawh nading hanciam in Topa Jesu in koi bang deih hiam? thuman thutak ih cih in koi bang hiam? cih kan in Topa Jesu deihna te zui le hang Topa Jesu in eite pumkhat ih hih mah bangin amau te pumkhat asuah nading thu ka ngen hi ci-in apa Pasian kiangah thu anget sak mah bangin eite zong pumkhat suak ding hi hang. Tua ahih manin leitung a nop sak in ki-it kilemna, pumkhat suahna hi aa, Topa Jesu ih san na leh ama deihna bangin ih gamtatna hi-in tua bang gamtatna te a om ciangin leitung nuntakna te pen hong nop mahmah ding hi.