Kei hong suang lo peuhmah Pa’ kiang tung lo ding hi.

Topa Jesu pen ei ong huhpa hi a, Pa kiang ih tun na dingin ong makaih pa hi. (Jn 14 : ) sungah kei hong suang lo peuhmah Pa’ kiang tung lo ding hi a cih ciangin ih Topa Jesu tungtawn bekin tawntung nopsakna vantung gamnuam kingah ding hi cih hong hilhna ahi hi. Tuni ih Pawlpi in Mission Sunday ci-in, Pawlpi khantoh na dingin a diakdiakin Biakpiakna neih dingin ong hilh hi.
Mk 10 : 49 sungah mittaw pa kiangah lau kei-in, dingin, amah in nang hong sam hi ci-in tua mitawpa Topa Jesu kiangah apuak bangin ei Christian ahi khinsa ten zong ih kiim ih paam a Topa thu a lunggulh te, a za nailo te, a tel nai lo te, thuman thu taka mu thei nailo te itna tawh khut len in Topa’ kiang apuak zo te ih suahzawh na dingin tuni ih Pawlpi in Mission Sunday ong bawlsak hi.
Mittawpa in Topa Jesu um lua, muang lua ahih manin Topa Jesu in amah khengkhin hi mah tase leh nakpi takin awngin David suan Jesu aw kei hong hehpihin ci a, upna tak tawh awng a, upna tak tawh ngen ahih manin anget thupha angah mah bangin tuni in ei mihing khat ciat ading ahi zongin,
ih kiim ih paam a launa liinna tawh a kidimte ading ahi zongin, lungkham sinkhamna tawh a kidim te ading ahi zongin, damlohna tawh a kidimte ading ahi zongin ih Topa Jesu in nan gong sam hi. Lau lo takin Topa kiang zuanin ci-in tha apia siamte ih suah na ding leh hi mittawpa bangin Topa tung pan ih ngah thuphate hangin lungdam a koko a, Topa nungzui picingte ih suahzawh nading in a za angai mimal kim ciat Topa’ thupha hong pia ta hen.