"Kei hong sawlpa in kei tawh a omkhawm hi"

Catholic Nisim Lai Siangtho, Zehtan Hun Sungah Nipi Kaal (5) Na, (TUE). March 31, 2020

Lungdamna Lai Siangtho, John 8: 21-30

21. Khatvei Jesu in amaute’ kiang ah, “Kei ka pai ta ding hi. Note in nong zong ding uh hi; ahi zongin na mawhna sung uh ah note na si ding uh hi. Ka paina munah nong pai thei kei ding uh hi,” a ci hi.

22. Tua ciangin Jew mite in, “Ka paina munah nong pai thei kei ding uh hi,” ci ahih manin amah le amah kithat ding, ahi ding hiam?” a ci uh hi.

23. Jesu in amaute’ kiangah, “Note in nuailam pan na hi uh hi. Kei ka hih leh tunglam pan ka hi hi. Note in leitung tawh na kisai uh a, kei ka hih leh leitung tawh ka kisai kei hi.

24. Na mawhnate uh sungah na si ding uh hi, kong ci hi. Bang hang hiam cih leh, keimah in tua pa ka hih lam nong up kei uh leh, na mawhna sung uh ah note na si ding uh hi,” a ci hi.

25. Tua ciangin amaute in, “Nang, kua na hi hiam?” ci-in a dong uh hi. Jesu in amaute’ kiangah, “A kipat cilin note kong gensa ahi hi.

26. Keimah in note’ thu gen ding tampi ka nei a, note’ tungah mawhsakna ding thu tampi ka nei hi; ahi zongin kei hong sawlpa in a thuman hi. Ama tung pan ka zakte leitung mite’ kiangah ka tangko hi,” a ci hi.

27. Amah in Pa’ thu a gen ahih lam amaute in thei lo uh hi.

28. Tua ahih manin Jesu in, “Note in Mihing’ Tapa na khaitoh khit uh ciangin, tua pa ka hih lam nong thei ding uh hi. Keimah in keima deih bangin bangmah hih loin ka Pa in kei hong hilh bangin hilhin ka genna thu, note in nong thei ding uh hi.

29. Kei hong sawlpa in kei tawh a omkhawm hi. Amah in kei guak hong nusia lo hi. Bang hang hiam cih leh, ama deih bangin ka sem tawntung hi,” a ci hi.

30. Amah in hih thute a gen khit ciangin mi tampite in amah a um uh hi.

Hih in Topa' Lungdamna Lai Siangtho ahi hi.