"Jesu in Subbath ni-in cina dam sak"

Catholic Nisim Lai Siangtho, Hun Nautaang Nipi Kaal (30) Na, October 30, 2020 (FRI)

Lungdamna Lai Siangtho (Luke 14: 1-6) 

1. Sabbath ni khatin amah in Pharisee-te’ makai khat’ inn sungah an ne dinga a lut ciangin, amaute in amah a encik uh hi. 2. Tuipaai natna a vei mi khat tua lai ama mai-ah a om hi. 3. Jesu in Pharisee-te le thukham hilhsiate’ kiangah, “Sabbath ni-in thukham tawh kituakin cina damsak tuak ahi hiam, damsak tuak lo ahi hiam?” ci-in a dong hi. 4. Ahi zongin amaute pau loin a om uh hi. Tua ahih manin Jesu in tua pa a damsak khit ciangin a ciahsak hi. 5. Tua khit ciangin Jesu in amaute kiangah, “Mi khatpeuh in la ahi zongin, bawng ahi zongin nei a, Sabbath ni-in tuikhuk sungah kia leh, thakhatin a lakhia lo ding kua om ahi hiam?” ci-in a dong hi. 6. Amaute in hih dotna a dawng kik thei kei uh hi.

Hih in Topa' Lungdamna Lai Siangtho ahi hi.