Itna tawh nasem hoih hih nading ci-in kha-an vakna

Hun Nautaang Nipi Kaal (32) Na, November 10, 2020 (Tuesday) ni Lungdamna Lai Siangtho bulphuh in Sia Michael Kang Lian tungpan kha-an vakna.

Lungdamna Lai Siangtho: Lk 17:7-10. 7. “Note in nasem khat nei-in, lo kuanin ahi zongin, tuu cingin ahi zongin hong ciah ciangin ama kiangah, ‘Hong paipah inla, an nekna sabuai ah hong tu in,’ a ci ding note’ lakah kua om na hi uh hiam?  8. ‘Ka nitak-an kuang hong lui inla; an ka nek tui ka dawn khit matengin kawnggak inla, an hong pia in. Ka kham khit ciangin nang na ne na dawn thei pan ding hi,’ nasempa’ kiang cizaw ding hi lo ahi hiam? 9. Nasempa in a topa’ thupiak bang zui ahih manin ama tungah a topa a lungdam ding hiam? 10. Tua mah bangin note in zong no tunga hong kisawl khempeuh na sep khit uh ciangin, ‘Kote in a kizen lo nasemte ka hih manun ka sep ding zah bek uh a sem ka hi uh hi,’ na ci ding uh hi,” a ci hi. 

Hih in Topa' Lungdamna Lai Siangtho ahi hi.