Ih nuntakna Topa kiang pan hong pai ahih na tuni laisiangtho sungte ah eiten ih muthei hi.

Daily Homily by Rev. Fr. Thomas Tuang (June 27, 2021)

-Tuni laisiangtho sung te ah ih nuntakna te manphat dan, ih nuntakna Topa kiang pan hong pai ahih na eiten ih muthei hi. Lungdamna laisiangtho sungah ih et ciangin zong Topa Jesu in eiten damna ihngah ding lam hong deih sak dan ih muthei hi. Jairus tanu asih na thu azak ciangin amah in adamsak kik ding atho kik sak dingin hong pai hi. Jairus ih cih pen Jew te aadingin amakai khat ahi hi. Tua pa in upna tawh Topa Jesu tungah a tanu adamsak nading anget ciangin Topa Jesu in nuamtakin adam sak dingin Jairus in hong zuan hi.