Ih nuntakna ah Pasian sungah upna picing ih neih ding thupi hi.

Solomon thu azak ciang, ama thugen angai dingin leitaw lam kumpinu hong pai hi. Hi lai ah Topa Jesu pen Jonah sangin lianzaw, Solomon sangin zong pilzaw napi in mite in um lo hi. Hi te in nitawpni ciangin thu hong khen ding hi ci-in Lungdamna Laisiangtho sungah ih mu hi.
Tua ahih manin ih nuntakna ah Pasian sungah upna picing ih neih ding, Topa Jesu in nisim in ama pumpi ahi Siangtho Pumpi, ama Pawlpi, ama thu leh la tawh hong ompih tawntung ahih manin hi te tungah Pasian ii hong itna, Pasian in eite hong ompih tawntung hi cih phawkin mailam ah upna tawh akalsuan zo te ih hih kimciat na dingin hanciam ciatni.