Ih haksatna te ah Topan hong makaih hi cih phawk tawntung ni.

Daily Homily by Rev. Fr. Thomas Tuang (July 11, 2021)

Pasian nasep ih cih pen a hoih lo te san loh nading, a dik lo te deih loh nading, a hoih aman te thuman thutak tawh nuntak ding pen Pasian deih na hi. Salan 84 sungah en lehang thuman thutak deihna te kimu ding aa, kilemna leh cihtakna te kilang ding hi cih zong ih mu thei hi. Tua ahih manin thudikna thuman na te aki muh bek thamlo in cihtakna suahtakna te akituah theih na dingin tuni in Topan deih hi cih phawkin akisam thupha tuamtuam te ih haksatna te ah Topan hong makaih hi cih phawk tawntung ni.