Hun Nautaang Nipi Kaal (2) Ni. Lungdamna Laisiangtho simna. (Jan .16 2022,Sun)

1. A ni thum ni-in Galilee gam Cana(a) khuapi ah mopawi khat om a, tua lai-ah Jesu’ nu zong a om hi.

2. Jesu le a nungzuipite zong tua mopawi sim dingin kisam hi.

3. Leenggahzu a bei ciangin a nu in Jesu’ kiangah, “Amaute in leenggahzu a nei nawn kei uh hi,” ci-in a ko hi.

4. Jesu in ama kiangah, “Numei(b) aw, kei tawh bang kisai ahi hiam? Ka hun tung nai lo hi,” a ci hi.

5. A nu in a nasemte’ kiangah, “Ama hong sawl bangbang na hih un,” ci-in a vaikhak hi.

6. Tua lai-ah Jew mite’ biakna ngeina bangin kisil a, kisiansakna dinga a zat uh gallon sawmnih pan sawmthum bang a ta suang thambeel guk a om hi.

7. Jesu in amaute’ kiangah, “Hih thambeelte’ sungah tui na dimsak un,” ci-in nasemte a sawl hi.

8. Tuate in tui a dimsitset in a dim uh hi. Tua khit ciangin amah in amaute’ kiangah, “Tu-in tawm suakkhia unla, pawi ukpa’ kiangah va paipih un,” a ci hi.

9. Pawi ukpa in tui, leenggahzu a kisuaksak pen a ciam hi. Tui a dim nasemte in a theih uh hangin amah in leenggahzu koi pana kingah cih thei lo hi.

10. Tua ciangin mopa sam a, “Mi khempeuh in leenggahzu a lim pente hawm masa a, lenglate in a kham khit ciangin a lim lote a hawm uh hi. Nang na hih leh tu dong a lim pente na sit lai hi,” a ci hi.

11. Jesu in a masa pen hih na lamdang Galilee gam Cana khuapi ah a bawl hi. Ama minthanna kilangkhiasak a, a nungzuite in zong amah a um uh hi.

12. Tua khit ciangin Jesu in a nu, a sanggamte le a nungzuipite tawh Capernaum khua ah pai uh a, tua lai ah ni tawmkha a taam uh hi.