Hun ih neih lai-in kilemna ih bawl ding, khat leh khat mawhna te ih maisak ding kisam hi.

Tuni Topa Jesu in hun ih neih lai-in kilemna ih bawl ding, kisikkikna ih neih ding, ih ki-it ding, khat leh khat mawhna te ih maisak ding hong hilh hi. Tuni Lungdamna Laisiangtho sungah Topa Jesu in “Nitumna lam panin meii hong kai na muh uh ciangin, ‘Guah zu ding hi, na ci thei uh a, guah a zu takpi hi.
Leitaw lam pan huih hong nun ciangin, Ni hong sa ding hi, na ci uh hi. Na cih uh mah bangin ni hong sa takpi hi.” No te in van leh lei maitang te pian zia na khia thei uh hi. Bang ci bangin tu lai hun pianzia khia thei lo na hi uh hiam ci-in eite kiangah ong gen hi. Hun a om lai takin eite in kilem na ding, mawhmai na ih ngah theih na ding, ki-it na ih ngah theih na dingin hun ih neih lai takin ih hanciam ding kisam hi.
Tua hi kei leh thukhen mangpa kiangah hong ki-ap dinga, thong sungah hong kikoih ding hi. Tu aa ih neih ih hun te zang siamin khat leh khat ki-it na, ki hehpihna, mawh mai sakna te ih zat na tawh hong honkhia Topa Jesu ii hehpihna tawh eite in Pasian hehpihna sungah lut a, hun ih neih lai takin itna, hehpihna te a zek khia, tu hun pianzia te a thei ih hihna tawh mailam thu piang ding te a kidal khol ih hih theih na dingin mimal kim ciat Topa’ thupha hong pia ta hen.