Hong it tawntung vanglian Pasian tungah ih nuntakna khempeuh ki-ap ni.

Daily Homily by Rev. Fr. Thomas Tuang (July 9, 2021)

Tuni tuhun in Pasian thu umlo te in Pasian tungah ih muan loh na dingin, Pasian ih don loh na dingin lai te ahi zong ih muh theih tuamtuam tawh Pasian tawh i ki gamlat nading ih lungsim te ah Pasian ih nawl khin theih nading a hanciam mi tampi tak om hi. Tua te tuni in kidawm ciat ni. Tanu tapa anei nu le pa te vaipuak in ih tate Pasian thu leh la te ah bangci pat tah ding, bangci makaih ding Pasian deihna tawh koici nuntak sak ding cih te nu le pa ten ih kidawp siam ding leh ih zuih siam ding kisam mahmah hi. Tua ahih manin mihing ih nuntak sung na ngawng in Pasian phawk lo in, Pasian zahtak lo in, Pasian awl mawh lo in, Pasian thu le la te za nuam lo in leitung na te bek ah kibual nuam in ze-et na tuamtuam te sungah ih om tawntung loh na dingin ih suah tak nading tuni ih nuntakna hong kem hong it tawntung vanglian Pasian tungah ih nuntakna khempeuh ki ap ni.