Homily by Rev.Fr.Maximian Mungpi

Christu sungah kong it azah tak huai thuzui Nu leh Pa U leh nau te tuni i laisiangtho in Lk 21:5-11 dong hi a, tua sungah i Topa Zeisu in ah Jerusalem biakinn pi a kisiat ding gen kholhna neisa hi. Hih Jerusalem biakinn pi mipawl khat te in ah biakinn pi suang manpha te suang melhoih tetawh mipi te piakkhiat na te tawh biakinn pi hoih tak a, a ki zep na thu gengen uh hi. Tua lai tak ah Topa Zeisu in bang gen hiam cih leh hih biak innpi zong nikhat ni ciangin ah Suang khat tung ah khat na nawn ki ciang lo in ah aki cim mang ding hun hong tung ding ci-in ah nagen hi. Topa Zeisu in bang hang in hi banga nagen hiam cih leh mite in biakinn pi alian mahmah ahoih mahmah neihna hang in ah ki angtang sak mahmah ki pak mahmah uh hi. A hih hang in amau te tua biakinn pi sung ah a mau i nasep nate et ciang in ah sum metbawlna vanzuakna a, na zang mawk a, Pasian tawh ki zopna, Pasian kiang ah thungetna mun ahih na, a khiat na, na mang ngilh kha uh ahih man hi. Tua ahih man in Topa Zeisu in ah hih thuzui mite in ah Biak inn cih pen Pasian tawh kizop namun , gamdai tak ah Pasian tawh thunget na mun I zat ding, zahtakna I piak ding I neih na ding, Topa Zeisu in adeih na hi. Top Zeisu in hih bang in mite ii khut siam na te adeih lo hi lo zaw in ah, tua khut siamna tung tawn a biakinn pi hoihna abawl mite ii khut siamna tung tawn in ah tua bang siamna pilna a pia Pa Pasian na khempeuh bawl thei Pasian i phawk ding in hong deih sak na zong a hi hi. Tua hi in Topa Zeisu in ei mihing te ah leitung neih leh lam ah ki nga lo in, ei Pasian hong bawl Pasian ii phawk den ding hong deih sakna hi zaw hi. Hih neih leh lam te I muh theih na te bei thei mang thei ki sia thei hi. Ai hang in ah eite upna te eite i ki siat loh nang leh ei ma ii Pasian tung i muan na te I neih den nang cih na thu tuni in a thak in phawk ding ki sam hi. Tua bang in Topa Zeisu in Jerusalem biakinn pi a kisiat ding hun agen kholh ciang in ah mite in dong hi, bang hun ciangin ah tua bangin a piang ding ciangin, bang na lamdang te hong tung masa ding hiam ci-in ah Topa Zeisu kiang na dong ing Topa Zeisu in a dawng kik na ah hi bang in na gen hi. Mi te khem zawh loh na ding in ah no leh no na ki kem un na ci hi. Hi bang in ah leitung ah buai na, khat leh khat buaina, gam khat leh bang khat buai na te hong om in mun tuamtuam ah zing nak pi tak in hong ling in, kial tun na te,puul tun nate hong tung thei ding hi. Ahih hang in tuate hong tun ciang na lau kei un, hun beina hong tung pah ding hi lo hi ci-in Topa Zeisu in ah tuathu te la te hong piang ciang in ah ii lau loh ding ei leh ei i ki kepsiam ding , Pasian tung muan na te i neih nate eite in ah i khangsak zawh semsem nang i hanciam ding a kisam zaw hi. Banghang hiamcih leh hih leitung ah na apiang te pen mi hing te i khutsung ah om ahih mahbang in ah , mihing pawl khat te amau lungsim Pasian deih na bangin gamta lo ahih ciang in ah, hih bang in ah na lam dang tuamtuam te zong hong piang thei hi. Ei te in ah ii Christian nuntak na sungah, hih Topa Zeisu in gen mah bangin ah, Hih Jerusalem biakinn pi a ki lam zawh nang apia khia mite , piak khiat na lungsim te apia khia te lungsim te eite in zong amau te neih lungsim mah bang in ah eite in zong piakkhiat na lungsim mah i neih zawh nading, khut siam te bawl na hang in ah i biakinnpi hoih ma bang in ah tua bang khut siamna, pilna, siamna pia, a mau te tung ah apia Topa zong eite in zong i muh theih nading, tua bang inah na te mu thei in ah, a tawpna in ah na khempeuh mihing te tungah Pilna siamna aguan apia thu pha apia pen i biak Topa Pasian hi cihna thu te i theih nading kisam hi. Tua tetung tawn ah eite in zong Topa Pasian I deih na tawh ki tuakin leitung ah na khempeuh te mang thang thei, ki sia thei ahih hang in, Pasian tungah i up nate abei theihlo dingin ah eite in ah muan na te i neih dending tuni athak inah phawk kik ding kisam hi. Hi leitung ah Pasian itna lol ngal bang mah sawt ki manglo hi.Ei nuntak sung mahmah azong lei tung neih leh lam zong ki sia thei hi. Ai hang in ah Pasian in ah eite tungah ongneih hong itna, hong dal hong kep nate abei ngei loh mahbang a, eite lampan Pasian tung ah i muanna te , i up na te beilo in ah, i neih dending tuni athak in phawk kik in ah, Topa Zeisu deih mah bang in, na khempeuh hoih na phat nate tung tawn in ah, Pasian a mu zo, Pasian hoihna phat nate amu zo, tanu tapa te i suahzawh nang ei mimal khat ciat Pasian in thupha hong pia ta hen.