Homily By : Rev. Fr. Wilfred Do Suan ( Nove 4, 2021)

Tuni Pasian pahtawina Alleluia ahi, Isaiah Laisiangtho sungah “A kimuh theih lai-in Topa zong unla, anai ah a om lai-in ngen un” a cih mah bangin mizawng daipaamte itna hehpihna tawh donna in amau sungah Jesu ka muh theih pen hun hong hi sakin Topa aw ci-in thu ih nget theih ding kisam mahmah hi.
Lungdamna Lai Siangtho in bang hong phawk sak hiam cih leh ih pumpi leh ih kha aki khen hun, ih sih hun ciangin ei adingin vantunggam hong nai ta hi cih thu hong phawksak ahi hi. Pasian nasemte in hi thu te phawk a, Pasian hong ap ih thuzuite sihnuama asih theih nadingin hanciam sak ding cih thu zong hong phawksak ka sa hi. Topa thu sungah a si mite mihampha ahi uh hi ci ahih manin ei Pasian nasemte in ih tuu te kha vantung gam nuam a tun na dingun, mawhna te tawh a sih loh nading, ki sikkikna ahi mawhsutna Sacramentu a ngah na dingun Topa kammal te tawh tha piakna te, kha-an ahi Siangtho Pumpi a san zelzel na te uh tawh Topa thu sungah sih nuama a sih theih na dingun gel sak ding cih thu hong phawk sak hi.