Homily By: Rev. Fr. Paul Muan Lian (Nov 19, 2021)

Lk 19 : 45 – 48
Tuni Lungdamna Lai Siangtho in ih Biakinn te, Pasian vante ih zahtak ding, zahtakna ih piak theih ding hong hanthawn hi. Ih Biakinn te in Pasian tenna mun, Pasian omna mun, Ih biakpiakna mun ahih mah bangin asiangtho hi, amanpha hi, zahtak huai hi cih eite in ih phawk ding tuni Lai Siangtho in hong phawk sak hi.
Tua mah bangin eite pumpi mahmah zong, Misiangtho Paulu ii gen mah bangin Kha Siangtho tenna innpi ahih manin asiangtho ding, Topa omna innpi, pumpi ahih theih na dingin ih siansuah ding zong kisam hi. Eite in ih Biakinnpi te ih zahtakna tawh Biakinn ih pai simsim in Pasian biakinnpi, thungetna innpi, Pasian kammalte tangko na hi cih phawkin tua ih phawkna tungtawnin eite in Pasian thupha a sangte, Pasian a lungkimsak te, Pasian maipha angahte ih suahzawh na dingin hanciam ciatni cih tuni Lai Siangtho in hong hilh hi.