Homily by, Rev. Fr. Paul Muan LIan

Lk 17 : 26 – 37
Topa hong pai hunding thei lo ih manin kiging sa-in om ni.
Tuni Lungdamna Lai Siangtho sungah Pasian tapa hong pai hun ding ih thei kei hi. Bang hun, bang ni, bang ci bangin hong pai ding cih theilo ih hih manin a tawntungin kiging sa in ih om ding Topa’ hong hilh nuam ahi hi.
Tu laitak ih ngah hunin amanpha penpen ahi hi. Tua ih hun ih zat siam ding, ih hun ngah laitak in kiging sa-in ih om ding tuni Lai Siangtho in hong phawk sak hi. Leitung nate tawh akidiah mite ii nopsakna te ahi zongin, tua te engin nunglehet in, lungka in ih om loh ding tuni Topa in eite hong gen hi. Tuni Lai Siangtho ih lungngaih kawmin eite nuntakna sungah thuhoih thupha tawh anungta paisuak te, a tawp dongin a citakte ih hih ding tuni Topa in hong hanthawn hi cih phawkin ih nisim nuntakna te a zangsiam te ih hih theih na dingin a kisam thuphate ngen khawm ni.