Homily By ; Rev. Fr. Maximian Mungpi (Nov 16. 2021)

Lk 19 : 1-10
Tuni Lungdamna Lai Siangtho sungah Topa Jesu a munuam Zacchaeus ii thu ih sim kha hi. Zacchaeus pen siahdongte’ Makai khat leh mihua khat hi a, ahi zongin mite muhna ah mawhnei khat ahih na thu zong ih thei hi.
Topa Jesu hong pai cih a theih ciangin Zacchaeus in Topa Jesu a muh zawh nading na hanciam hi. Topa Jesu in zong Jericho khua ah tam ding angaihsut loh hangin Zacchaeus in amah a muhnopna leh amuh zawh nading a hanciamna thei ahih manin Zacchaeus aw, tu nitak na inn ah kong tam ding hi na ci hi.
Tua ahih manin Topa Jesu in amang te a zong dingin hong pai ka hi hi acih mah bangin, eite zong Topa in hong zong den a, hong kan den ahihna phawkin eite lam pan zong Topa Jesu in ong zon ciang, ong kan ciangin hong muh baih theih na dingin, ahi thei zahzah in hanciamna te ih neih ding kisam hi.