Homily By Rev. Fr. Maximian Mung pi (Jan 11.2022,Tue)

(Mk 1: 21-28)
Tuni Lungdamna Laisiangtho sungah Topa Jesu in khanin lutpa sungpan khanin, dawi ahawlkhiatna thu I za hi.
Topa Jesu ini Capernaum khua ah pai-in thungetna inn khatah pai-in Pasian thu leh la tangko in a om laitakin a za angai mite in Topa Jesu thugen pen hoihsa mahmah in lamdang sa mahmah uh hi. Bang hang hiam cih leh ama ii thugen in Laisiangtho siamte thu gen tawh ki bangle in thuneipa thugen tawh ki bang hi ci-in lamdang na sa mahmah uh hi.
Thu gen aman khit ciangin khanin lut mipa khat hong pai-in “nang ko kiangah bang hih dingin hong pai na hi hiam? Kote susia dingin hong pai na hi hiam? Nang kua cih kong thei uh hi. Pasian ii a siangtho pa na hi hi ci-in na tangko hi. Topa Jesu in dawi lutpa aw a zak ciangin tua mipi kiangah dai-in, ama kiang pan taikhia in ci-in tua dawi a hawlkhiat ciangin dawi zong tua mipa nakpi takin bawlsia in tua mipa sungpan paikhia hi.
Tua mipa om na I et tak ciangin thungetna mun sungah Topa Jesu thu ngai aa a om na thu I mu hi. Khat veivei ciangin ei nuntakna sungah zong Biakinn pai-in kikhawm in I om hang, ei ii upna bang ci dinmun ciangah om hiam cih I phawk zel ding, I kantel zel ding kisam hi.
Khat veivei ciangin ei thuzui ten zong Topa Jesu nungzui, Pasian thu zui I cih hangin Pasian thu leh la te thei bekin nuntakna sungah I nuntakpih ding ciangin khat veivei ciang Topa Jesu kammal te in lungnopna hong pia lo-in, kha muanna hong pia lo hi ci-in I mu thei kha zel hi. Tua ahih manin I nuntakna sungah eite’ upna, Pasian kammalte, Topa Pasian lungdamna thu te I san theih nang ei leh ei I ki siansak masa ding kisam hi.
Tua ahih manin I nuntakna sungah I upna leh I gamtatna te a ki bat ding, tua banga a kibat nading hanciamna in Topa Jesu nung ahoih thei pen in zuihna hi cih phawkin Topa Jesu nung I zuihna ah I upna leh I gamtatna, theihna bekin tawk lo-in, I theihna tungtawn in I upna sungah a nuntakpih zo tanu tapa te I suahzawh nang a kisam thuphate khat leh khat kingetsak ciatni.