Homily By Rev. Fr. Joseph Zo Mung (Feb 8.2022, Tue)

k 7: 1-13
Tuni Lungdamna Laisiangtho sungah Judah uliante leh Pharisee mite in Topa Jesu amawhsakna thu I mu hi.
Amaute in Topa Jesu kiangah banghangin na nungzuite in khutsil lo-in anne uh ahi hiam ci-in dong uh hi. Topa Jesu in amaute kiangah note in na kam bek uh tawh Pasian ci-in na lungsim uh tawh Pasian kigamla hi ci-in lungsim puakzia a thupitna thu hong hilh cian hi.
Laisiangtho lui sungah Pasian in Israel mite kiangah kei ka siangtho mah bangin note zong na siangtho un ci-in thu pia ahih manin Judah mite in amau ngeina zuihna pen Pasian deihna zuihna in na ngaihsun in a puatham siangtho na pen Pasian deihna na sa kha hi. Tua pen man lo hi cih tuni Topa Jesu in a lahna hi.
Lungsim siangtho tawh Pasian I it ding a kisapzawkna, Pasian deihna I zuih ding a thupizawkna tuni Topa Jesu in hilhcian na hong nei hi. Tua ahih manin I ngeina te in Pasian tawh hong kikhen sak leh zang lo ding, ahi zongin itna hong khangsak ngeina te, khat leh khat kizahtakna, beh leh phung, ulehnau te tawh kizopna te ah Pasian deihna tawh a kituak tampi om aa, tua te lungsim takpi tawh I zat siam ding tuni Laisiangtho in hong hilh hi.