Homily By Rev. Fr. Joseph Zo Mung (Dec 23, 2021)

LK 1 : 57 – 66
Tuni Lungdamna Laisiangtho sungah Tuiphumpa John asuahna, amin a kiphuahna thu I mu hi. Judah mite pen ta aneih uh ciang, amin dingin a Pa min aki tap suksuk hi-in, ahi zongin John asuah khit ni (8) ciangin nau minphuak dingin a pai ciangun a Nu in John cih ding acih ciangin a beh aphungte in lamdang sa-in ei beh ei phung sungah hi bang min om ngeilo hi. Apa dongni ci-in a Pa dongsak hi. Apa adot uh ciangin a pa’n zong ci ding hi hang ci hi. Tua acih khit phetin apa Zechariah pau kik thei pah hi.
Hih thupiangte I et ciangin Pasian ii nasepna te I mu thei hi. Tua ahih manin hih I minphuahna limlim ah Pasian tungpan kangah thupha hi cih limlahna tawh I upna lak a, tua I upna te gamtatna tawh I zuihzawh leh Pasian thupha ngah semsem ding, adiakdiak in I nulepa in Pasian thu hoihtak in na um in, na zui-in, Pasian kamciamna te bangin citakin palsat lo-in Zechariah leh Elizabeth te in amin ding mahmah zong Pasian gelkholhsa mah bangin hoihtak a, ciampel lo-in a phuah mah bangin I nulepa in zong tuisawpna asan upna thupha te kiplet in tua thuphate atate tungah hawmsuak zo leh tuain Pasian thupha a kicing penpen hi.
Tua ahih manin eite in Zechariah leh Elizabeth te ii Pasian thupha asannate phawkin eite’n zong I nuntakna sungah Pasian thupha I sanna te phawkin, kipletin, kemcingin, ciampel lo-in Pasian in ei ading a hong kamciamna tawh kibangin tua tawh kizui in thupha angah zote I hih nang han ciamni.