Homily by Rev. Fr. Joseph Zo mung

Christu sung ah kong it nu leh pa u leh nau te tuni lungdamna Laisiangtho i sim ciang in ah ei Christian tampi te ii i upna te, I ngaihsut nate tawh aki leh bulh tampi takom hi. Tuhun tulai tak inah Gospel of Prosperity ci-in ah Pasian thu um tein nuamsa hi. Pasian thutawh na nuntak leh na khangto ding hi. Na Sipuayi, na nasep nate zong hong sinpi ding hi. Na nuntak nate hong nuam ding hi. Thungen in. Alleluia ci-in mitampi takin nuamsa in lam ziahziah hi. Pasian nasem te Pasian thu um te khempeuh in ah nopsak na angah dingin ki ngaihsun uh hi. Thu nanget nak leh zong nanget bangbang Pasian in hong pia hi ci-in ah, upna tawh omding inah ki ngaihsun inah tua bangin i nget peuhpeuh in ngah hun ciangin zong ii nuam phadiak hi. I upna te ki khang hi. Ahi zong in ah i nget bangbang I ngah loh ciang in , bangbang in thungen ta leng ama deih na bang in a piang loh hun ciang in, mi tampi takin lungkia in Pasian zong kinung ngat thei hi. A diakdiak in ei khamtung gam ah en le hang Pasian thu um mi tampi takin ah nat na, sat na, a thuak ciang in ah a cidam nading thungen in, biak inn ah pai in thungen in adam loh ciang inah dawi thoih te kiang zong apai mi tampi tak om a, khut lam et na, ai san nate kiang ah lawki ngeina danin ah aciah kik aphui samna aum tua te zong tampi tak kiom hi. Tuni lungdamna laisiangtho sung ah i et kik tak ciangin bang I mu thei ding hiam cih leh Topa Jesu in ah keima min hang in note bawl siatna, na thuak dinguh hi. Gimna na thuak ding uh hi. Haksatna na thuak ding uh hi ci hi. Topa Jesu nung zui ten a tawntung in ah anuam saden ding hi lo a , haksatna tawh zong aki pelh ding hi lo hi. Tua hi man in mitam pitak in natna satna i thuak ciangin ah Pasian thu aum lo hiam, Dan a thuak hiam cih zong lungkham thei hi. Tua pen eite in Pasian thu I up hang in, I tel loh na hang a hi hi. Topa Jesu nung zuite in ah hatsak na zong thuak ding, na hoih a sem ten bawl siatna thuak ding , thatna thuak ding hi. Tua hi man in ah i pawlpi tang thu sungah enle hang leitung piang cil pan kipan Catholic Pawlpi in ah bawlsiatna, thah na thuk in ah upna hang a asih pihngam tampi oma, tua te in ah anuntak na sung tawn tung a nuamsa den te hilo hi. Ahi zong in Pasian thu um leh um lote bang tawh kiteh thei hiam cih leh hatsat na thuak taleh tua haksat na tungtawn in a up nate uh a kiam lo job bangin ah lungkia lo a Pasian anung ngat ngei lo , hak satna natna satna thuak ta leh a tawntung in Pasian a it te tuate pen Pasian nasem leh Pasian thu um te ahi hi. Tu ni tuhun lai takin I um nate isit tel ding kisam a Christian hing, Pasian thu um in icih hang in, thu suak bekbek ki um in ei I deih dan bek piang ding in ki um in ah, ki lam en in ah thungen in angah loh ciang in dawi thoih apai tampi tak I omna te phawk kik in kei ka upna koi mun hiam ci a I ki sittel ding kisam hi. Tuni Topa Jesu in ah ama I nung zui te ama I nasem te , ama aum mite in ah , ze-et na bawl siatna a thuak ding tampi gen kholh na I thei a , thah na athuak ding lamzong I thei a, tua bangmah in zong Catholic pawlpi in ah AD 1 pan kipan tuni ciang dong in ah a thuak toto Misiangtho zong tampi asuak ahi na, thu thei hi. Hih mun ah I ngaihsut dingin ah, bang hangin Pasian nasem te ahi zongin, thuman thutak agen te mite in mudah hiamcih I et ciangin ah tua pen Satan nasep na alian penpen leh a hoih penpen khat ahi hi. Tua hi man in tuni tulai tak I ngaih sut dingin ah thuman thutak nasep khiat leh Pasian nan asep khiat leh Up na taktawh na, nasep leh zong mi khempeuh in thu hong mang pah ding hi lo a hong lang pang om ding hi cih zong I theih kholh ding ki sam hi. Tua hi man in thu man thu tak a asem mi , na hoih a sem te pen mi ten ah lang pang hi. Tua langpang te pen kua te hiam cih leh santan dawi mangpa hi in ah, a hoih lo adeih tampi zong om hi. Na hoih adeih tampi om mah bang in, a hoih lo adeih zong om a, ki-it kilem na dingin na asem te in ze-et na thuak ding a, tua pen dawi mangpa hang hi, dawimangpa in ah ki-it na omsak loding , ki khen na omsak ding ahi manin tua nahoih asem te in ze-et na athuak ding hi. A hi zong in ah upna taktawh atawp dong asem te in ah, a pumpi si mah ta leh amau ngim na, gel nate tangtung sak inah, Pasian tawh a tawntung in nuamsa hi ci-in tuin misiangtho te in ah teci hong lak hi. Tua hi manin kong it thuzui nu leh pa U leh nau te tuni in ah na hoih sepna teah lungkia kei ni. Hat satna , gimna natna satna te I thuak ciang in zong , lung kia lo in ah , I up na te khah suah lo in ah atawntung in ah upna tak tawh nung zui ni. Tua hi leh Topa Jesu in kei a ding in kham lukhu vantung gam tawntung nop sak na hong pia ding hi ci phawk in, I up nate I nun tak pih ngam leh a sih pih ngam I hih zawh nang in ham ciam ciat ni. I biak Pasian in mimal kim thupha hong pia ciat ta hen.