Homily By : Rev. Fr. Joseph Zo Mung

Lk 18 : 35 – 43
Tuni Lai Siangtho sungah ih muh, mittawpa in damna angah mah bangin eite in zong ih nuntakna te sungah, leitung nuntakna ah a kisam na te zong ih hanciam lohin ki ngah peuhmah lo ding hi. Na hoih a deih te, zi hoih, pasal hoih a deih ten zong itna takpi tawh hanciamin zong leh ngah ding hi.
Tua mah bangin leitung ading ahi zongin, Kha ading ahi zongin leitung na te hitaleh vantungah a kisam na te hitaleh deihna takpi tawh lungsim takpi tawh ih deiha, ih zon a, ih hanciam ciang bekin Topa Jesu in ih lunggulh thuphate hong pia ding hi.
Tua ahih manin eite ii kitangsap ih lunggulh thuphate leitung ih nuntak nading hitaleh, kha nuntak nading hitaleh hih thuphate tungah ih deihna thei-in, ih deihna bangin hanciam takin a sem zo leh angah zo te ih suahzawh na dingin han ciamni.