Homily By : Rev. Fr. Dominic Langh (Nove 5, 2021)

Tu ni Kamsangpa in bang gen hiam cih leh mual sangte to ding, zikzang ding, guamte vuk ding ci hi. Mualsang in bang hiam cih leh ei ii kiphatsakna, ki liat sakna, duhopna, huaihamna te ahih khak aleh tua te mai sak in zang sak ding hi hang ci hi. Guam te vuk ding a cih ciangin ih nuntakna sungah thu hoih thupha bawl ding kisam maw, itna kisam maw, mawhmai sakna kisam maw, midangte tungah huhna kisam maw tua a kisam te vuk in dim sak ding cihna hi.
Tua ahih manin ih Topa Jesu hong pai nading, ih dawn na dingin eite in a kisam lo ki phatsakna, ki liatsakna lungsimte ih neih khak a leh tua te maisak, zang sak in a kisam mahmah ahi ki niamkhiatna, Pasian itna, Pasian muanna leh mite tungah cihtakna, itna tawh Topa amuak ding in tuni Lai Siangtho in ong hilh hi.