Hangsan na leh upna hangin suahtakna leh damna te ihmu thei hi.

Daily Homily by Rev. Fr. Thomas Tuang (July 5, 2021)

Tuni Lungdamna Laisiangtho sungah ih zak numeino asi pen ii pa upna leh hangsan na hangin numei no nu damkikna hongpiak sak aa, cina in kumtampi a om numei nu zong ama hangsan na leh upna tawh Topa Jesu kiang pan in damna hong ngah hi. Topa Jesu asi naupang numeino nu kiangah atun ciangin akap dingin aki cial te in Topa Jesu nuihsan uh hi, banghang hiam cih leh hih misi pen Topa Jesu in asi hilo in a ihmu hi acih ciangin Topa Jesu anuih san uh ahi hi. Mawh sak lai uh hi. Ahi zongin Topa Jesu in mite mawh sakna, nuihsan na te don lo in asep ding te semin hong dam sak hi. Tua ahih manin tuni lungdamna laisiangtho te en lehang hangsan na leh upna hangin suahtakna leh damna te ihmu thei hi. Eiten zong laisiangtho masa sungah Pasian in Jacob a ompih mah bangin ama tungah hangsan in muanin a um ngamte ih hih nak leh Pasian in hong nusia ngeilo ding hi cih phawk in, Topa tungah ih upna te picing sakin Topa tungah kinga zo lehang eite zong damna te ngah ding hang aa, lungsim cidamna leh pumpi cidamna te ih ngah ding hi.