"Hai le kuang a sianna dingin a sung lam silsiang masa un, tua hi leh a pualam zong siang thei ding hi"

Catholic Nisim Lai Siangtho, Hun Nautaang Nipi Kaal (21) Na, August 25, 2020

Lungdamna Lai Siangtho (Matthew 23: 23-26)

23. “Mihoih a kineih no lai siangtho siamte le Pharisee-te aw, gimna na thuak ding uh hi! Bang hang hiam cih leh, lenmui, lothaang, le nanan-te, sawm ah khat na piak uh hangin, thuman thukhenna, midangte hehpihna, gamtatna phate ahi a thupizaw thute na tang kei uh hi. A dangte tang loin om tuan loin, hihte zong na tan’ ding uh a kilawm ahi hi. 24. No mittaw lam hilhte aw! Note in thovai om lohna dingin tui na khaih uh hangin, kalaohte na nawmvalh uh hi! 25. “Mihoih a kineih no lai siangtho siamte le Pharisee-te aw, gimna na thuak ding uh hi! Bang hang hiam cih leh, note in hai le kuangte a puatham na silsiang uh hangin, a sung lam duhgawhna le huaihamnate tawh a kidim hi. 26. Mittaw Pharisee-te aw, hai le kuang a sianna dingin a sung lam silsiang masa un, tua hi leh a pualam zong siang thei ding hi!

Hih in Topa' Lungdamna Lai Siangtho ahi hi.