Eite in Topa Jesu tawh maitang kimu aa nopsakna angah ding te hi hang.

Daily Homily by Rev. Fr. Dominic Langh (May 16, 2021)

Tuni Topa Jesu vangkahna thu ih ngaih sut ciangin eite aadingin mun hong bawl sak hi aa, ei aading in ih lametna mun ii tun nading in ah Topa Jesu amahmah ava pai masa hi. Ih Christain upna ah nitawp ni ciangin eite zong vangtung gam atung ding te ih hih mah bangin ih Topa Jesu tawh maitang kimu aa nopsakna angah ding te hi hang. Tua ahih manin tua tawh ih pai laitak ih khualzin laitak leitung ah ih upna tawh ii kalsuan laitakin haksatna, gentheihna, dahna leh kahna tuamtuam ih thuak teh ih pawlpi tungtawn in, Sacramentu tungtawnin, Misiangtho te thunget sakna te tungtawn in, huhna itna cikpiakna tungtawn in ih Christain nuntakna te ih kalsuan na hangin Topa thupha te hong ki behlap hi. Tua ahih manin eite in thuhilh ding ci-in ih pawlpi tungah hongpiak aana in upna tawh kisai thuhilh ding, ithna tawh kisai thuhilh ding, lametna tawh kisai thuhilh ding, kiniamkhiatna, migitna, mawhkimaisakna tawh kisai thuhilh ding, Sacramentu te tawh kisai thuhilh ding, thukham namsawm tawh kisai kihilh ding leh pawlpi thukham te kihilh ding in ah tua teng tawh ih kalsuan hangin ih tupna ahi Topa van gam nuam angah ding te hi hang.