Ei tungah hoihna, phatna, diknate hong kibawl ding ih deih bangin mite tungah zong ih bawl ding ahi hi.

Tuni Topa Jesu in no tungah ong kibawl ding nadeih bangun, midangte tungah nabawlun hong ci hi. Ei tungah hoihna, phatna, diknate hong kibawl ding ih deih bangin mite tungah zong ih bawl ding ahi hi. Tuni Lai Siangtho in Christian nuntakna sungah koi ci bangin nungta ding, kalsuan ding cih hong lak hi. Napuan hong kilak sak leh bangmah pau lo-in piakhia in. Leitawi a hongpaite, ngetna nei a hong pai te, it siklo in piakhia in cih thu te tu ni Lungdamna Lai Siangtho in hong hilh hi. Hih te in Christian gamtatna ah itna, hehpihna te ih neih theih na dingin hong hilh thu hi a, Christian hing ci-in hehpihna ih neih theih kei leh itna ih neih theih kei leh tua in ih Christian hihna hong picing sak lo hi. hong kilang sak lo hi. Christian ih hihna hong picing sak in ithuai lo pi mah itna, hehpihhuai lo pi mah hehpihna, dikna, phatna te lah huai lo pi mahin lah zawhna thuphate ahi hi. Hih thuphate ih neih zawh nai kei leh ih neih zawh na dingin ei te in ih hanciam ding ahi hi. Pasian in khat leh khat ih ki panpih ding, ih ki huh ding, ih ki hehpih ding pen nakpi takin hong deih lam tuni Topa Jesu in hong pulak hi. Van a Pa in hong hehpih mah bangin note khat leh khat zong na ki hehpih un, itna na ki nei un ci-in hong gen Topa thu tuni in ei te ih lungngaihna ah, nisim nuntakna ah hehpihna tawh itna tawh anungtazo tawntungte ih hih zawh nadingin Topa Pasian in mimal kimciat thupha hong pia ta hen.