Ei ma pumpi in Kha Siangtho tenna innpi ahih lam ih phawk ding kisam hi.

Jn 2 : 13 – 22
Tuni Lungdamna Lai Siangtho sungah bang mu kha ih hiam cih leh Topa Jesu in Jerusalem khuapi ah kahto in, Jerusalem Biakinnpi a siansuahna thu ih mu hi.
Tua Biakinnpi sunga sum leh paai bawlte, lano te ih lungsim sungah a om kha hiam? Eima biakinnpi, ih pumpi pen Pasian tawh kizop na ding mun bek ahih lam ih thei kha hiam ci-in ih ki dot tel ding kisam a, tua khit teh ih nuntakna sungah ih pumpi sungah a om Kha Siangtho Pasian pen eite ngaitsut siatna te tawh ahi zongin, gamtat hoih lohna te tawh nin sak nawnlo in a siangtho eima pumpi mahmah ih zahtak theih nang kisam hi. Banghang hiam cih leh ei ma pumpi in Kha Siangtho tenna innpi ahih lam ih phawk ding kisam ta hi.
Tua ahih manin ei leh ei bang ki dong ding ih hi hiam cih leh hi Kha Siangtho tenna innpi sungah ken Pasian om na, Pasian in ong ompihna ka phawk kha hiam ci-in ih ki dot ding ki sam hi. Ih phawk khak kei leh ei te in tu ni pan ih Pumpi siangtho sakin Pasian teng nang a kilawm a kituak mun a suahzawh nang hanciam ding hi hang. Tua hi leh eite Kha Siangtho in hong ompihin, ih sep ih bawlna te ah lawhcing in, Christian thuzui enghuai leh mite lam alak zo te ih suak ding hi.