Ei hong langpang lo te in ei hong gensia lo ding hi.

Tuni Lungdamna Laisiangtho sungah nungzuipi te in dawi ahawlkhia khat amuh uh ciangin Topa aw, hi pa in ei tawh kipawl lo, nang nung hong zuilo ahih ciangin bangbang hi leh khamin ci-in Topa Jesu kiangah vakhia uh a, ahi zongin Topa Jesu in ei hong langpang lo te in ei hong gensia lo ding hi.

Kei min tawh thupha abawl aom nak aleh, kei mintawh midangte a ki huh nak aleh, kei min tawh dawite akihawl khiat leh ei adingin lungdam huai hi na ci hi. Tua ahih manin ih Christian nuntakna ah, kipawlna khat peuhpeuhah mimal ii lungsimte ih thupit sak luat ciangin ih nasepna ah khat veivei nawngkaina, ze-etna om thei hi.

Ei lungsim tawh kituaklo, ei tawh omkhawm lo, ei tawh an ne khawmlo, ei tawh thungen khawmlo, ei tawh kikhawm khawmlo ahih manin amau pen ei tawh ki langpang hi cih lungsim ih neih leh Topa Jesu puak lungsim tawh a kilehbulh hi a, Topa Jesu in mikhempeuh, gam khempeuh gupkhiatna angah nading, ama min tawh, upna tawh na asem dingin tui haikhat nangawn apia a, thupha abawl dingin mimal kim ciat Topa Jesu in hong deih hi.