Christian nuntakna sungah theihna bek tawh ki kalsuan theilo hi.

Daily Homily by Rev. Fr. Maximian Mung Pi (June 1, 2021)

Ei leitung mihing te pen Pasian in ama lim leh mel aa hong bawlsa ahih mah bangin eite nuntakna khempeuh zong Pasian aa hi aa, ahih hangin hih leitungah nunta lai ih hih lai manin hih leitungah ih zat sum leh pai, vante pen kumpi te tawh kisai ahih leh kumpi te tung piak ding cih agen na hi aa, agen nopna in hih leitungah thuzui mite ih hih na hangin leitung neih leh lam te tawh buailo in ih nuntakna ciang bek buai in, ahih hangin Pasian aa ahi eima nuntakna ih kha, ih pumpi te Pasian hong piaksa ahih mah bangin tua te tawh Pasian abia zo tanu tapa te ih suah zawh nang tuni Topa Jesu in hong theisak hi.

Hih laisiangtho sung ih et ciang bang kimu khia hiam cih leh theihna bek tawh Pasian lungkim lo in tua theihna tungtawn in eiten zong ih nisim nuntakna sungah ih zuih zawh ding hong deihsak hi.