Christain suahna in Topa Jesu tungah upna kiciamna leh itna lahna hi.

Daily Homily by Rev. Fr. Joseph Zo Mung (May 21, 2021)

Tuni Topa Jesu in eite khatciat tungah kei nong it hiam ci-in hong dong aa, itna ih kiciam khit ciangin Christain nuntakna sungah ih sep ding vaipuak midang te tungah itna ih lah ding, khat le khat ih ki-it ding leh sep le bawl ding te vaipuak hong pia hi. Tua ahih manin Christain suahna in Topa Jesu tungah upna kiciamna leh itna lahna hi aa, sepding bawl ding vaipuak te zong lakna tavuan kipiakna zong ahi hi. Tua ahih manin tuni eite khatciat Topa Jesu in hong dong hi, kei nong it hiam hong ci hi. Eite in ih neu aa kipan tuni ciang tamveipi ih kiciam khin ding hi, ih kiciamna te ih ciampel hiam cih ki sittel in tuni in ciampel lo takin Topa Jesu tungah ih itna pen Christain dangte mi khempeuh tungah zong itna ih lah zawh nang in hanciam ni.