Catholic Nisim Lungdamna Laisiangtho. Paska Hun NipiKaal (6) Na. 19.5.2023(Fri)

John 16:20-23
20. Ken a man takpi kong genin ah, note dahin na kap ding uh hi. Ahi zongin leitung ahih leh, a lungdam ding hi. Note na dah uh hangin, note’ dahna nuamna a suak ding hi.

21. Numei khat in ta a suah hun a tun ciangin nakpitakin natna a thuak hi. Bang hang hiam cih leh ta suah hun a tung hi. Ahi zongin ta a suah khit ciangin ama gentheihnate phawk nawn lo hi. Bang hang hiam cih leh leitung ah mi khat suak ahih manin a lungdam hi.

22. Tua mah bangin note zong tu laitakin na dah uh hi. Ahi zongin keimah in note kong muh kik ciangin, note na lung uh a nuam ding hi. Note’ nuamna kuamah in note’ kiang pan hong lakkhiatsak zo lo ding hi.

23. Tua ni ciangin kei, bangmah nong ngen nawn kei ding uh hi. Ken a man takpi kong genin ah, note in keima min tawh Pa’ kiangah na nget peuhpeuh uh hong pia ding hi.

Hih in Topa' Lungdamna Lai Siangtho ahi hi.