Catholic Nisim Lungdamna Laisiangtho. Paska Hun NipiKaal (5) Na. 9.5.2023(Tue)

John 14:27-31
27. Lungnopna note kong nusiat hi; keima lungnopna note kong pia hi. Leitung mite’ piak bangin keimah in note kong pia kei hi. Note na lungkham kei unla, na lau kei un.

28. Note in, ‘Kei, ka ciah hangin note’ kiangah kong paikik ding hi,’ ka cihna thu na za khin uh hi. Note in kei nong it uh leh, Pa’ kiangah ciah ding ka hih manin na lungdam ding uh hi. Bang hang hiam cih leh, kei sangin Pa a lianzaw hi.

29. Hih thu a pian cianga na up theihna dingun a pian ma-in note’ tungah tu-in kong gen hi.

30. Note tawh sawtveipi ka kiho nawn kei ding hi. Bang hang hiam cih leh, leitung ukpa hong pai ta hi. Amah in kei’ tung ah thu nei lo hi.

31. Ahi zongin keimah in Pa ka itna thu leitung mite in a theihna dingin Pa’ hong thupiak bangin ka sem hi. Tu mah mahin hong pai un; tho un, paikhia ni,” a ci hi.

Hih in Topa' Lungdamna Lai Siangtho ahi hi.