Catholic Nisim Lungdamna Laisiangtho Lk 6: 17, 20-26 (Feb 13.2022, Sun)

Lk 6:17, 20-26
17 Jesu in amaute tawh mual tung pan kumsuk khawm a, mun zangah a ding hi. Tua lai-ah ama nungzui honpi le Judea gam khempeuh, Jerusalem, Tyre le Sidon’ tuipi dung pan mi tampi zong a om uh hi.

20 Tua khit ciangin Jesu in a nungzuite en-in a genin ah: “Mizawng note in thupha a ngah na hi uh hi, bang hang hiam cih leh, Pasian’ gam in note’ gam ahi hi.

21Tu laitaka a gilkial note in thupha a ngah na hi uh hi, bang hang hiam cih leh, na gil uh a vah ding hi. Tu laitaka a kap note in thupha a ngah na hi uh hi, bang hang hiam cih leh, na nui ding uh hi.

22 Mite in Mihing’ Tapa hangin note hong muhdahin, hong hawlkhia-a, hong kosia-in, na min uh hong siatsak uh ciangin, note in thupha a ngah na hi uh hi.

23 Tua ni hunin nuam unla, lungdamin na diang un, bang hang hiam cih leh, vantung ah thaman lian na ngah ding uh hi, tua mah bangin a pu a pate un kamsangte tua bangin a bawlsia uh hi.

24Ahi zongin a hau note in gimna na thuak ding uh hi, bang hang hiam cih leh, hehnepna na ngah khin uh hi.

25Tu laitaka an a kham note in gimna na thuak ding uh hi, bang hang hiam cih leh, note na gilkial ding uh hi. Tu laitaka a nui note in gimna na thuak ding uh hi, bang hang hiam cih leh, note thumin na kap ding uh hi.

26 Mi khempeuh in note hong phat uh ciangin, gimna na thuak ding uh hi, bang hang hiam cih leh, a pu a pate un kamsang zuaute tua bangin a bawl uh hi.