Catholic Nisim Lungdamna Laisiangtho Lk 1;39-45 sungsimna (Dec.21,2023)

Catholic Nisim Lungdamna Laisiangtho
Lk 1:39-45 sungsimna
(Dec.21 ,2023)

39. Tua hunin Maria kithawi-a Judea gam mualtung khuapi khat zuanin a manlangin pai a,

40. Zechariah’ inn ah lutin Elizabeth a hopih hi.

41. Maria’ hopihna Elizabeth in a zak ciangin ama sunga naungek a diang hi. Tua ciangin Elizabeth Kha Siangtho tawh kidimin, aw lian tawh kiko a,

42. “Nangmah in numei khempeuh lakah thupha a ngahnu na hi hi. Na sunga na paai naungek in thupha a ngah hi.

43. Ka Topa’ nu kei’ kiangah hong paina ding zah dongin bang hangin kei’ tungah hih thu hong piang ahi hiam?

44. Bang hang hiam cih leh nong hopihna aw ka zak phetin ka sunga naungek lungdamin a diang hi.

45. Topa in ama tunga a gensa thute tangtung takpi ding hi! ci-a a um numei in thupha a ngah hi,” a ci hi.

Hih in Topa Lungdamna Laisiangtho ahi hi.
Christu Topa aw na tungah phat na om ta hen.