Catholic Nisim Lungdamna Lai Siangtho, Nov,14,2021(Sun)

24. “Ahi zongin tua gimna khit ciangin, ni hong mial dinga, kha tang nawn lo ding hi;

25. Vantung panin aksite hong kiasuk dinga, van-a a om nate a kiliing ding hi.

26. Tua khit ciangin vangliatna le minthanna lianpi tawh Mihing’ Tapa, meii tungah hong kumsuk amaute in a mu ding uh hi.

27. Tua ciangin amah in a vantung mite hong sawl dinga, leimong pan vanmong dongin lei kiu li pan, a teelsa mite a kaikhawm ding hi.

28. “Theikung pan thu na sin un: Theikung a hiang meeng a, a teh a no ciangin khuakhal hong nai ta hi, cih na thei uh hi.

29. Tua mah bangin hih nate a piang na muh uh ciangin, amah kongbiang mahmah dong hong nai ta hi, cih na thei un.

30. Ken a man takpi kong genin ah, hih thute khempeuh a tun khit matengin hih khang mi mangthang lo ding hi.

31. Van le lei a mangthang ding hi; ahi zongin ka thute mangthang lo ding hi.”

32. “Ahi zongin, tua ni le tua hun kuamah in thei lo hi. Pa longal Tapa le vantung mite in zong thei lo uh hi.