Catholic Nisim LaiSiangtho, Hun Nautaang NipiKaal (29) Na, Oct 21, 2021 (THURs)

Luke 12: 49-53
49. “Leitung ah mei a kuangsak dingin hong pai ka hi hi. Tu mah mahin zong tua mei a kuang khin hi leh, kei ka ut hi!

50. Ahi zongin ka thuak ding baptaizna # khat a om hi. Tua baptaizna ka thuak matengin ka lung a kim thei kei hi.

51. Leitung ah kilemna puak dingin hong pai hi, ci-in nong ngaihsun uh hiam? Hilo hi. Note’ kiangah kong genin ah, kikhenna a piangsak dingin hong pai ka hizaw hi.

52. Bang hang hiam cih leh, tu-a kipanin innkuan khat mi nga a phate, thum langah nih, nih lang ah thumin khat le khat kilangpan tek ding uh hi.

53. Pa le tapa, tapa le pa, nu le tanu, tanu le a nu, teeknu le monu, monu le teeknu, khat le khat a kilangpan tek ding uh hi,” a ci hi.