Catholic Nisim Lai Siangtho. Hun Nautaang Nipikaal (29) Na (SAT.) October 26.2019

Lungdamna Lai Siangtho.

(Lk. 13: 1-9)

1. Tua laitakin ama kiangah mi pawlkhat hong pai uh a, Pilate mangpa in Galilee mi pawlkhatte’ sisan, amaute’ biakpiakna sa tawh a helgawp sakna thu Jesu’ kiangah a ko uh hi.

2. Jesu in amaute’ kiangah, “Tua Galilee mite in hih banga a thuak manun a Galilee mipih dangte khempeuh sangin a mawhzaw dingin na ngaihsun uh hiam?

3. Ken kong genin ah, mawhzaw tuan lo uh hi! Ahi zongin note na kisik kei uh leh note zong na vekun na kisia ding uh hi.

4. Tua tham loin Siloam a tausang in a denlup mi sawm le giatte, Jerusalem khuapi-a teengte khempeuh sangin a mawhzaw hi dingin na ngaihsun uh hiam?

5. Tua bang hi lo hi, ci-in note’ kiangah kong gen hi. Note khempeuh zong na mawhna uh na kisik kik kei uh leh, tua mah bangin na kisia khin ding uh hi,” a ci hi.

6. Tua khit ciangin Jesu in amaute’ kiangah hih thugentehna gen a, “Mi khat in a leenggui huan sunga kisuan theikung khat a nei hi. Amah in a gah zong dingin a pai hangin bangmah mu lo hi.

7. Tua ahih manin amah in huan nasempa’ kiangah, ‘En in, kum thum sung tua theikung gah zong dingin kong paipai hangin a gah khat beek mu lo ka hih manin tua theikung na phuk in! Bang hangin lei hoih mawk beisak ding ahi hiam?’ a ci hi.

8. Huan nasempa in, ‘Topa aw, tu kum hici koih phot in. Keimah in a phung kimkot to vungin, eklei ka sung ding hi.

9. Kumkik ciangin gah hong gah ding hi! A gah kei leh tua ciangin phuk in,’ ci-in a dawng hi,” a ci hi.

Hih in Topa’ lungdamna Lai Siangtho ahi hi.

#DailyBible, #RVA, #WordofGod, #Bible, #Laisiangtho,

#Tedim, #KalayDiocese, #Zomi, #Gospel,

Website: http://dtedim.rveritas-asia.org/

Like us on https://www.facebook.com/rvatedimchinservice ,

See us on https://www.youtube.com/channel/UCvMw-hJ1GDQ