Catholic Nisim Lai Siangtho. Hun Nautaang Nipikaal (29) Na (MON.) October 21.2019

Lungdamna Lai Siangtho.

(Lk. 12: 13-21)

13. Tua ciangin mihonpite’ lakah khat in, “Sia aw, ka sanggampa tawh ka gamh luah dingte ka hawmna dingun ama tungah hong gensak in,”a ci hi.

14. Ahi zongin Jesu in ama kiangah, “Mipa aw, nomau thu a khen ding ahi zongin, na gamh uh hong hawmsak ding ahi zongin kua in kei hong koih ahi hiam?” a ci hi.

15. Tua khit ciangin Jesu in amaute’ kiangah, “Note in huaihamna nam khempeuh panin na kikem un; bang hang hiam cih leh, mihing’ nuntakna pen neih le lamh hauhnate’ tungah kinga lo hi,” a ci hi.

16. Tua ciangin amah in amaute’ kiang ah thugentehna khat gen a, “Mihau khat’ lo ah an tampi a piang hi.

17. Tua pa in, ‘Bangcih ding ka hi hiam? Ka an teng ka kholna ding buhsal om lo hi,’ ci-in a ngaihsun hi.

18. Tua ciangin amah in, ‘Hih bangin ka bawl ding hi. Ka salte phelkhia-in a lianzaw ka lam dinga, tua lai-ah ka ante khempeuh le ka vante ka koih ding hi.

19. Tua ciangin ka kha kiangah,“ Ka kha aw, kum tampi na zat dinginna tampi ka khol khin zo hi. Nopzatin, nene-in dawndawnin gualnuamin om hithiat in, ka kici ding hi,’ ci hi.

20. Ahi zongin Pasian in ama kiang ah, ‘Mihaipa aw! Tu zan mah mahin na nuntakna hong kilaksak ding hi. Tua hi leh na kholsa nate kua in luah ding ahi hiam?’ a ci hi.

21. Tua mah bangin, ama aading neih le lamh khol venvan napi, Pasian’ mai-ah a hau lo mi in tua pa tawh a kibang ahi hi,” a ci hi.

Hih in Topa’ lungdamna Lai Siangtho ahi hi.

#DailyBible, #RVA, #WordofGod, #Bible, #Laisiangtho,

#Tedim, #KalayDiocese, #Zomi, #Gospel,

Website: http://dtedim.rveritas-asia.org/

Like us on https://www.facebook.com/rvatedimchinservice ,

See us on https://www.youtube.com/channel/UCvMw-hJ1GDQ