Catholic Nisim Lai Siangtho. Hun Nautaang Nipikaal (29) Na (FRI.) October 25.2019

Lungdamna Lai Siangtho.

(Lk. 12: 54-59)

54. Amah in mihonpite’ kiangah a genin ah, “Nitumna lam panin meii hong kai na muh uh ciangin, ‘Guah zu ding hi,’ na ci thei uh a, guah a zu takpi hi.

55. Leitaw lam pan huih hong nun ciangin, ‘Ni hong sa ding hi,’ na ci uh hi. Na cih uh mah bangin ni hong sa takpi hi.

56. No a kineih khem mite aw, note in van le lei maitangte’ pianzia na khia thei uh hi. Bangci bangin tu lai hun pianzia khia thei lo na hi uh hiam?

57. “Tua ciangin note in bang hangin thu khatpeuh a man le a man lo khen thei lo na hi uh hiam?

58. Thukhenpa kiangah na langpa tawh na paikhawm laitak mah-un lampi-ah na kilemzawhna ding nakpi-in hanciam in. Tua hi kei leh amah in thukhenpa kiangah nang hong kai dinga, thukhenpa in thukhen mangpipa’ tungah hong ap-in, nang thong sung hong denna ding hi.

59. Ken kong genin ah, na liau ding sum na piak khit siang matengin thong sung pan na suakta ngei kei ding hi,” a ci hi.

Hih in Topa’ lungdamna Lai Siangtho ahi hi.

#DailyBible, #RVA, #WordofGod, #Bible, #Laisiangtho,

#Tedim, #KalayDiocese, #Zomi, #Gospel,

Website: http://dtedim.rveritas-asia.org/

Like us on https://www.facebook.com/rvatedimchinservice ,

See us on https://www.youtube.com/channel/UCvMw-hJ1GDQ