Catholic Nisim Lai Siangtho. Hun Nautaang Nipikaal (28) Na (SUN.) October 13.2019

Lungdamna Lai Siangtho.

(Lk. 17: 11-19)

11. Jesu in Jerusalem khuapi lamah a pai laitakin, Samaria gam le Galilee gam kikal gamgi dung zui-in a paisuak hi.

12. Khuaneu khatah a lut laitakin mi phak sawm in amah dawntuah uh a, Jesu tawh a kigamla munah dingin,

13. “Jesu, Topa aw, kote hong hehpih in!” ci-in a kiko uh hi.

14. Jesu in amaute a muh ciangin, “Pai unla, siampite’ kiangah va kilak un,” ci-in thu a pia hi. Amaute siampite’ kiangah a pai laitakun a dam siang uh hi.

15. Tua ciangin amaute’ lakah khat in a natna a dam siangna a kitheih ciangin aw ngaihtakin Pasian phat-a hong kilehkik hi.

16. Tua pa Jesu’ khe phungah bokin lungdam a ko hi. Hih pa pen Samaria minam ahi hi.

17. Tua ciangin Jesu in, “Mi sawmte in dam siangna ngah hi lo ahi uh hiam? A dang kuate koi-ah om ahi hiam?

18. Hih minam dangpa khat sim loh hong kilehkik a, Pasian a phat kuamah om lo ahi hiam?” a ci hi.

19. Tua ciangin Jesu in ama kiangah, “Tho inla pai in; na upna in nang hong damsak khin zo hi,” a ci hi.

Hih in Topa’ lungdamna Lai Siangtho ahi hi.

#DailyBible, #RVA, #WordofGod, #Bible, #Laisiangtho,

#Tedim, #KalayDiocese, #Zomi, #Gospel,

Website: http://dtedim.rveritas-asia.org/

Like us on https://www.facebook.com/rvatedimchinservice ,

See us on https://www.youtube.com/channel/UCvMw-hJ1GDQ