Catholic Nisim Lai Siangtho. Hun Nautaang Nipikaal (24) Na (SAT.) September 21.2019

Lungdamna Lai Siangtho.
(Lk. Mt. 9: 9-13)

9. Mual tung pan a kumsuk laitakun, Jesu in amaute’ kiangah, “Mihing’ Tapa in sihna pan a thawhkik matengin na muhte uh kuama kiangah gen kei un,” ci-in a nungzuite thu a pia hi.

10. Tua ahih manin amaute in a lungsim sung uh ah hih thu koih gige uh-a, sihna pan thawhkikna, a cih in bang a cihnopna ahi hiam, ci-in khat le khat a kikum uh hi.

11. Tua khit ciangin amaute in, “Elijah hong pai masa ding hi,” ci-in lai siangtho siamte in bang hangin gen uh ahi hiam?” ci-in amah a dong uh hi.

12. Jesu in amaute’ kiangah, “Elijah hong pai masa takpi a, na khempeuh a bawl pha kik hi. Mihing’ Tapa in zong nakpi-in gimna thuak dinga, nialna a thuak ding hi, ci-in Lai Siangtho sungah kigelh khin hilo ahi hiam?

13. Ahi zongin ken kong genin ah, Elijah hong pai khin zo a, ama thu Lai Siangtho sungah a gelhsa bangin amau ut bangin ama tungah a bawl khin zo uh hi,” ci-in a dawng hi.

Hih in Topa’ lungdamna Lai Siangtho ahi hi.