Catholic Nisim Lai Siangtho. Hun Nautaang Nipikaal (24) Na (FRI.) September 20.2019

Lungdamna Lai Siangtho.
(Lk. 8: 1-3)

1. Tua khit ciangin khuapite le khua neute ah Jesu zin kawikawi a, Pasian’ gam tawh kisai lungdamna thu a tangko hi. Amah tawh sawm le nihte a pai khawm uh hi.

2. Dawi gilo lut le cinatna a damsak numei pawlkhat in a zui uh hi. Tuate’ lakah dawi gilo sagih a hawlkhiatna, Magdalene kici Mary,

3. Herod’ nasempa Chuza’ zi Joanna le Susanna a kipan adang tampite tawh a om uh hi. Hih numeite in amau neih bangbang tawh amaute a huh uh hi.

Hih in Topa’ lungdamna Lai Siangtho ahi hi.