Catholic Nisim Lai Siangtho. Hun Nautaang Nipikaal (19) Na (MON.) August 12.2019

Lungdamna Lai Siangtho.

(Mt. 17: 22-27)

22. Amaute Galilee gam sungah a kikaihkhop laitakun Jesu in, “Mite’ khut sungah Mihing’ Tapa kilehhek ding hi;

23. amaute in amah that ding uh a, a ni thum ni-in amah a thokik ding hi,” ci-in amaute’ kiangah a gen hi. Tua thu’ hangin amaute a dah mahmah uh hi.

24. Amaute Capernaum khua a tun uh ciangin Peter’ kiangah biakinn siah dongte hong pai uh a, “Na siapa un biakinn siah a pia nai hiam?” ci-in a dong uh hi.

25. Amah in, “Pia mah hi,” ci-in a dawng hi. Inn sungah Peter a lut ciangin Jesu in na hopih masa a, “Simon(b) aw, nang bangci ngaihsut na hi hiam? Leitung kumpite in kua tungah phiangsiah dong uh ahi hiam? Amau tate’ tungah siah dong uh ahi hiam? Ahih kei leh midangte’ tung panin dong uh ahi hiam?” ci-in a dong hi.

26. Peter in, “Mi dangte’ tung panin phiangsiah a dong uh hi,” ci-in a dawng hi. Jesu in, “Tua bang ahih leh, tate a peng hi.

27. Ahi zongin amaute a lungkimna dingin tuipi ah va pai inla, nga va siah in. Na mat masak pen a kam phen lecin dangka tang peek khat(c) na mu ding hi. Tua sum la inla, nang le kei’ aadingin va pia in,” a ci hi.

Hih in Topa’ lungdamna Lai Siangtho ahi hi.